O ex-preso independentista Ugio Caamanho foi recebido em Compostela

12 de mayo de 2011.

O recebimento nacional foi organizado por Ceivar o passado sábado na compostelá praça do Toral. Por volta dum cento de pessoas receberam o patriota galego excarcerado a passada segunda-feira depois de quase cinco anos de cativeiro e dispersom. O acto desenvolveu-se sob umha intensa chúvia que nom logrou nublar o gozo do momento. Nele interviram Pili González em representaçom da Plataforma Que Voltem a Casa, a ex-presa independentista Xiana G. Rodrigues, o portavoz nacional de Ceivar Óscar Gomes e o preso independentista Sánti Vigo, este último através dumha gravaçom telefónica. Em último lugar tomou a palavra o próprio Ugio Caamanho para agradecer todo o apoio recebido e disertar sobre o esmorecimento ao que se vê submetido o País e a importáncia do independentismo no combate destas tendências e na contruçom nacional com o guieiro do nosso passado mais digno e combativo. O recebimento tivo continuidade com umha ceia-convívio.

Gzcontrainfo-RecebimentoAoExpresoIndependentistaUgioCaamanho887
Gzcontrainfo-RecebimentoAoExpresoIndependentistaUgioCaamanho887

Fuente: Ceivar
Vídeo: Galiza Contrainfo


Versión PDF: Descargar artículo en PDF | Enlace permanente: https://info.nodo50.org/4020